सोमबार नेप्से परिसूचक उच्च अंकले घटेको छ।
नेप्से ३२.६५ अंकले घटेर २६५७.५० विन्दुमा बन्द भएको छ।
कारोबार रकम पनि अघिल्लो दिनको तुलनामा घटेको छ।
शुक्रबार ८ अर्ब ८९ करोड रकमको कारोबार भएकोमा यसदिन उक्त रकम घटेर ७ अर्ब १८ करोडमा सीमित भएको छ।
यसदिन ३४३ वटा धितोपत्रको एक करोड ९८ लाख २२ हजार ३९२ कित्ता सेयर किनबेच भएको हो।
सोमबार २१ कम्पनीको सेयर मूल्य बढेको छ भने २५२ वटाको घटेको छ। यस्तै, ६ कम्पनी स्थिर छन्।
बेनी हाइड्रोपावरको मूल्य सर्वाधिक १३.५८ प्रतिशतले बढेको छ।
उक्त कम्पनीको प्रतिकित्ता मूल्य ८०६ रूपैयाँ १० पैसा पुगेको छ।
यस्तै, मकर जितुमाया हाइड्रोपावरको मूल्य ८.७७ प्रतिशतले बढेर प्रति कित्ता मूल्य ४६० रूपैयाँ कायम भएको छ।
यसदिन सानिमा लार्ज क्याप फण्डको मूल्य सर्वाधिक ४.८६ प्रतिशतले घटेको छ।
उक्त योजनाको प्रति इकाइ मूल्य ९ रूपैयाँ २१ पैसा पुगेको छ।
यसैगरी, झापा इनर्जीको मूल्य ४.११ प्रतिशतले घटेर प्रति कित्ता मूल्य ९१० रूपैयाँमा सीमित भएको छ।
सोमबार घलेम्दी हाइड्रोको सर्वाधिक कारोबार भएको छ।
उक्त कम्पनीको ३३५ रूपैयाँमा ३७ करोड ६३ लाख रूपैयाँको कारोबार भएको छ।
यो मूल्य अघिल्लो दिनको तुलनामा ०.८१ प्रतिशत बढेको हो।
सर्वाधिक सेयर खरिद–बिक्री हुने दोस्रो सूचीमा ग्लोबल आइएमई बैंक रहेको छ। उक्त कम्पनीको २६७ रूपैयाँ १० पैसामा २९ करोड ४२ लाख रूपैयाँ बराबरको सेयर कारोबार भएको छ।
आज कारोबारमा आएका १३ वटा समूहगत परिसूचकमध्ये सबै समूहको परिसूचक घटेको छ।
यसमध्ये विकास बैंक समूहको परिसूचक सर्वाधिक १.८८ प्रतिशतले घटेको छ।
